「元旦好人好事。」今日被推上01熱話！？

話說，剛踏入元旦時，坐屯馬線回家時發生咗一件值得一贊嘅好人好事，於是將件事寫咗黎，第二日同時post上ig、fb及Threads，估唔到Threads嘅觸及面咁廣，一日時間就有接近一萬人睇過個post，仲有好多唔識嘅朋友回應同大贊，今日更見到「01熱話」fb轉載咗我8篇文，而我就化身成「該港鐵乘客」，被記者謝茜嘉報導之後，Threads瀏覽量立即就破咗一萬人。


以下是整段文字： 「一踏入2026年，倒數完冇耐，即遇好人好事，話說琴晚去完元朗燒野食，回程坐屯馬線，對面三個後生仔發現地下有d濕，然後知道係企隔離個叔叔背囊係咁漏水，通知佢開袋一睇，原來係樽裝咖啡未扭實，於是三個後生仔問我地借紙巾，二話不說就幫叔叔抹乾淨地下d咖啡，其間有一位要落車所以幫咗一陣就走咗，其餘兩位小朋友將地下抹到好似冇濕過咁，然後都到站落車，真係好有教養，呢位鍾意Miffy嘅後生仔同佢兩個朋友都值得一贊。」

https://www.facebook.com/photo?fbid=1315302747294242&set=a.602745725216618


https://www.hk01.com/%E7%86%B1%E7%88%86%E8%A9%B1%E9%A1%8C/60308737/%E5%85%83%E6%97%A6%E6%B8%AF%E9%90%B5%E5%A4%A7%E5%8F%94%E8%83%8C%E5%9B%8A%E7%8B%82%E6%BC%8F%E5%92%96%E5%95%A1-3%E7%94%B7%E7%94%9F%E5%80%9F%E7%B4%99%E5%B7%BE%E5%B9%AB%E6%8A%B9%E5%9C%B0-%E4%B9%98%E5%AE%A2-%E5%A5%BD%E6%9C%89%E6%95%99%E9%A4%8A?utm_medium=Social&utm_source=fbpost&utm_campaign=hottopics&fbclid=IwY2xjawPEJztleHRuA2FlbQIxMABicmlkETFxU1cxVnNLdHdweFBMVHdvc3J0YwZhcHBfaWQQMjIyMDM5MTc4ODIwMDg5MgABHkq75eLSNUHsc7hUTM9bI6gHfAH78ZLJ6hG74-hT2kjVQgoTdbZrV8bJ-JZ0_aem_OtoEW5XJfxVGYFG490SeLw

集外星生物、科幻、打鬥於一身的破格搞笑漫畫《雷雷雷》。

《雷雷雷》是日本漫畫家ヨシアキ（芳明慧）的新作，故事一開始已經交代了人類五十年前曾與外星人發生過一場慘烈的戰爭，人類最終戰勝了，不過這場戰爭結束後，外星人卻遺留了兩種異生物在地球，指的就是「宇宙害蟲」及「宇宙害獸」，而且在這五十年間，不時仍有人類會被外星人綁架。 因父親負債纍纍，而被迫每天拼命打工的少女「市之谷堇」，除了要養活自己之外，還要供養媽媽與年幼的弟弟，本來在一家名為「早乙女外星害蟲驅除公司」工作，某天不幸地被外星人綁架，外星人把她釋放回地球之後，由於身體沒有什麼變化，以為自己只是發了一場夢，其實女主角堇在被綁架時，已不知不覺間已被改造了，體內有一隻長牛角的害獸。這裡順帶一提，女主角的造型跟女亂馬真的好像，這造型加上她在早乙女公司工作，應該是作者刻意安排的笑點。 「宇宙害獸」就是到處破壞的各種外星生物，有些體型非常巨大，有一天堇如常回家睡覺，醒來後發現自己的右手變了怪獸手臂，手臂破壞力相當驚人，不但打傷了鄰居及警察，而且有意識地要殺死自己，其後出現另一巨大猴子害獸襲擊她，堇只得一隻怪獸手臂，不是猴子害獸的對手，更被其吞掉而失去意識，這時牛角害獸佔據了堇的身體，堇被控制之後實力大增，變成一隻原整的牛角害獸，更從猴子害獸體內破肚而出。 當牛角害獸以為擁有了堇的身體，可以開始在地球大開殺戒之時，卻被一位「雷電企業集團」的機甲戰鬥服少女偷襲，頭部與身體被一劍切開，堇恢復了意識，頭部居然在害獸的身體長出來，變成頭小身大的怪模樣。少女將堇及被斬開卻仍喋喋不休的牛角害獸頭顱一拼帶到雷電企業總部進行研究。 雷電企業集團的事業涵蓋能源、機械、基礎建設、醫療、航空、國防甚至宇宙領域，因此對變成外星害獸的堇非常感興趣。在研究其間，牛角害獸襲擊實驗室的研究人員，為了保護機甲戰鬥服少女，堇爆發了驚人的破壞力，將牛角害獸打敗，牛角害獸身體分解後，竟戰力全失，變成了可愛的牛角害獸寶寶，而堇也因此而終於回復了人類的身體。 雷電企業集團社長石動電介知道來龍去脈後，竟開出條件，正式聘請堇成為雷電集團的一員，薪金更是天文數字，負債累累的堇見到二話不說就決定入職了，入職後她要在雷電集團做什麼工作？相信第二期會一一交代。 此作劇情看似胡鬧，但其實也道出一位顧家女高中生面對家庭壓力的苦況，國中畢業後到東京打幾份工，在驅蟲公司工作只對住前輩和大叔，從來沒有知心朋友，跟所有人說自己的奇怪經歷都沒有人相信。在緊急關頭，為了保護機甲戰鬥服少女，才激發內心潛藏已久的爆發力，當解放壓力後，竟能將牛角害獸炸到身首異處（身首異處還身首異處，死還死），牛角害獸沒有死，只是變了害獸寶寶。 再加上最近關於外星人飛船的事件煩囂塵上，此作應該會繼續火下去時間，期待將來日本方面會推出動畫，讓更多人認識這部好作品。

期待已久，龍神再臨。

1992年龍神創刊，仲記得當時去咗荃灣荃豐中心地庫排隊買書，然後等龍哥簽名，人龍由地庫排到上樓上，簽名版嘅龍神而家仍有保留。2014年有機會與龍哥同台食飯，於是又再搵返本龍神創刊號出黎俾龍哥簽多次名，相隔22年再簽真係好值得紀念。 2000年龍神簿裝創刊，身為忠實讀者當然繼續支持龍哥，而當年更用電腦畫咗一個Q版龍神打算投稿，隔咗咁耐，其實有冇投已經唔記得咗，可能當年只係畫黎自娛。 今日龍神第三次創刊，雖然未買但非常期待，祝龍哥新書大賣，仲當然就係保重身體。

小五成立虎威出版社。

小時候熱愛畫漫畫，夢想將來成為漫畫家，大概小學五、六年級開始，甚至用校簿自畫同人誌，最常模仿的作品一定是鳥山明老師的《龍珠》，還有《IQ博士》。我跟弟弟更玩票性質地一人「成立」了一間出版社，我經營的叫虎威出版，出版很多刊物，其中《虎威月刊》就是集自己畫的漫畫連載、小說、小遊戲等專欄於一身的漫畫雜誌。 畫完一本會拿回學校給同學傳閱，又跟喜歡畫畫的同學徵稿，收到的稿件會貼於月刊專欄內，冠亞季軍更有小禮物一份。更瘋狂的是製作會員證，招收同學做會員，會員的福利就是可以借漫畫書，由小五到中三，合共招收了96個會員。 可能小時候喜歡看漫畫周刊及A-CLUB，於是有樣學樣，自己開出版社及製作漫畫雜誌出來，大個才知道做這些工作的人叫編輯，而不是漫畫家。 一個由十位本地插畫師發起，向鳥山明老師(大神)致敬嘅插畫展將會喺22/5~2/6舉行 屆時會有一系列同大神有關嘅珍貴收藏品、應援品展出，閃卡製作工作坊，即場簽咭塗鴉等等 密切留意每日update！ 日期：22/5~2/6 時間：2pm~8pm 地點：觀塘開源道54號豐利中心301 場地及活動贊助 @yamacardo @ownpiecehk

舊作撒亞人兄弟出龍珠卡！

今次畫展除咗展出呢張撒亞人兄弟嘅畫作之外(其他人係新畫，我冇時間，所以用咗七年前為龍珠30周年而畫嘅賀圖)，好開心主辦方仲印咗呢張咁靚嘅卡俾客人隨意抽，另外仲有九位畫師畫嘅九款卡同一張閃卡。記得6月2號上黎參觀同抽卡，包您有驚喜。 一個由十位本地插畫師發起，向鳥山明老師(大神)致敬嘅插畫展將會喺22/5~2/6舉行 屆時會有一系列同大神有關嘅珍貴收藏品、應援品展出，閃卡製作工作坊，即場簽咭塗鴉等等 密切留意每日update！ 日期：22/5~2/6 時間：2pm~8pm 地點：觀塘開源道54號豐利中心301 場地及活動贊助 @yamacardo @ownpiecehk

有幸參與我們的鳥山明展！

首次以畫師的身份參加這個有趣的聯展，其餘九位畫師有些認識了很久，有些初次見面，但一談到鳥山明就沒有了隔膜，而且大家都是熱愛畫畫的人，只要是喜歡鳥山明作品的朋友，一定要來參觀啊。 「我們的鳥山明」！ 一個由十位本地插畫師發起，向鳥山明老師(大神)致敬嘅插畫展將會喺22/5~29/5舉行 屆時會有一系列同大神有關嘅珍貴收藏品、應援品展出，閃卡製作工作坊，即場簽咭塗鴉等等 日期：22/5~29/5 時間：2pm~8pm 地點：觀塘開源道54號豐利中心301 場地及活動贊助

「九龍城寨之圍城」之感想！

琴日睇完「九龍城寨之圍城」謝票場，先多謝紫龍請睇戲，睇完第一時間想寫感想，不過因為要趕返屋企，車程太短寫唔晒，所以今日先寫埋佢，第一感覺非常震撼，雖然從未去過九龍城寨，但睇得出場景佈置非常認真，還原度相當高，越睇越會有種令人置身其中嘅感覺，最出色一定係打鬥場面，拳拳到肉、緊張刺激、驚心動魄，每一位演員都十分落力。 四位年輕主角打戲最多，亦係打得最賞心悅目嘅，伍允龍奸到冇人有，亦都冇人奈得佢何，好睇在每一場仗都唔係勢均力敵，但四人同心協力、迎難而上果種熱血，真係令人睇到血脈沸騰，好耐冇試過睇戲會有呢種投入感。 驚喜嘅地方好多，第一：龍捲風、殺人王嘅兄弟情雖然寫得好短，但好到肉。第二：阿七雖然對白唔多，但好搶戲，喬大真係堅形。第三：由綠豆、教束已經開始留意劉俊謙，靚仔得黎好演技，今次佢演信一，性格可愛、忠誠、重情義，假以時日劉俊謙必成香港新一代最紅明星。 認識余兒十幾年，當年睇漫畫已經十分喜歡角色設定，上一代江湖情加新一代兄弟情寫得好好，睇完令我又想重溫小說同漫畫版，恭喜佢今日有咁嘅成績，由編劇、小說家到做出版社老闆，真係冇一樣野可以難到佢。 今次係我第一次睇戲有謝票場，琴日黎謝票嘅係喬靖夫同伍允龍，我坐得好近，所以可以影到兩位高手同觀眾一齊玩遊戲，伍允龍真係好大隻好型好搞笑，同戲中嘅大反派感覺完全相反，喬大唔駛講，文又得武又得，可惜兩位今日要去好多地方謝票，冇機會搵佢地合照。 琴日約埋阿棠同幾個朋友一齊睇，完場又見到pen so同葉sir，當然要第一時間集郵啦，未睇嘅朋友快d入場支持啦，入戲院睇先可以感受到果種震撼。