2020年工作展望。

統計咗一下，發覺2019年一共製作咗14本書，平均一個月一本左右，最需時莫過於7月出版嘅不是人二十周年紀念本，花咗好多時間去重新排版。而最有滿足感就係金田一愛藏版系列，因為封面要切合主題重新設計，每本都有好大分別，每本都有好大挑戰。而我法國唔見咗隻貓呢本書我嘅參與度唔算多，但都好有滿足感，因為故事係講我地一班人去法國出席安古蘭漫畫節嘅趣事，同一班漫畫人合作，真係好開心，好值得回味。希望2020可以全程投入，再努力製作更多漫畫。