兩個女嘅英文字頭。

好似一直都冇解釋過點解兩個女嘅英文名要係F同J字頭，其實係有原因，唔係亂咁改架。趁今日我同老婆結婚10周年大日子，一於供諸同好。

話說當年擺酒我設計咗張以keyboard為藍本嘅請帖，因為咁岩我英文名係Henry，老婆英文名係Gigi，keyboard正中就係G同H呢兩個字母，所以就連擺酒時嘅枱號都由A到T代表(如果冇記錯好似係20圍)，而H同G就係主家席。

到4年前大女出世後本想將佢英文名改做Bella，B字響H同G下面，不過咁岩又同林穎彤英文名一樣，雖然我都好鍾意林穎彤，但中英都同一個藝人一樣好似唔係咁好，於是就用咗F字頭，F就響G字旁邊，就好似媽媽拖住佢咁嘅意思，本來大女係叫fiona，後來佢自己唔鍾意，改咗做feanna。之後細女出世，順理成章就搵咗H字旁嘅J字做英文名，而我地響佢未出世時就決定咗用Jessica，咁keyboard中間嘅4個英文字母就正正代表我地一家四口手拖住手，就係咁。