對付彌次郎嘅方法。

上年大熱嘅漫畫《鬼滅之刃》女主角叫禰豆子，因為變咗鬼，佢阿哥炭治郎怕佢會食人，所以用支竹封住佢個口。前幾日忽發奇想，《龍珠》都有個大食肥仔叫彌次郎，試過一次過食好多貓仙人嘅仙豆落肚而食到個人脹卜卜。
然後，後期嘅戰鬥次次交仙豆俾悟空佢地嘅人，都係彌次郎，咁似乎解釋到點解以前仙豆有咁大量，而後來又變得咁矜貴。我諗……應該係俾彌次郎「偷偷食晒」。如果……貓仙人好似炭治郎封禰豆子個口咁封住彌次郎個口，咁仙豆嘅存放量應該唔止咁少。