梁嘉琪老師。

 今日阿女第一日返K2，聽聞升班轉咗新老師去教佢地，其中一個叫梁嘉琪老師，我諗……應該唔係我識果個梁嘉琪黎嘅，只係同名同姓姐。講開阿女嘅老師，不得不提佢讀K1時嘅三位老師姓氏，佢地分別係彭老師、周老師同廖老師，咁岩就係我地屋企所有成員嘅姓氏，因為潼潼媽咪姓周，潼潼嫲嫲姓廖。所以當佢仲未知道中國嘅姓氏有幾百個之前，佢已經對呢三個姓特別有感情，因為返屋企同返學校都對住呢三個姓，我覺得呢件事真係夾都冇咁巧合，希望佢K2同樣喜歡梁嘉琪老師啦。